Шығармашылық күні. «Көктемгі қиялдар» жұмыстарының көрмесі

Бастауыш сынып онкүндігі аясында 11 сәуірде "Көктемгі қиялдар" жұмыстарының көрмесі атты шығармашылық күнінде №8 мектеп-гимназиясының бастауыш сынып оқушылары өз шығармашылықтарын көрсетті. Сурет салып, өлең-тақпақ шығарып, ән айтып, би билеп өнерлерің танытты.Сонымен қатар бұл күні қызықты ашық сабақтар мен сыныптан тыс іс-шаралар өткізілді.

4 "А" және 4 "Ә" сыныптары арасында "Әкем,анам және мен" отбасылық спорт сайысы өткізілді. Мақсаты: оқушыларды салауатты өмір салтын ұстануға баулу, отбасы құндылығын насихаттау және мектеп пен ата-ана арасындағы ынтымақтастықты нығайту. Жарыста 4 "А" сыныбынан Абильдиновтар мен Мұратовтар отбасы, ал 4 "Ә" сыныбынан Бекеновтар мен Советхан отбасы бақтарын сынады. Қатысушылар өз ептіліктері мен шапшаңдықтарын көрсете білді.Сайыс нәтижесі бойынша “Бас жүлдені” Советхан отбасы иеленсе, Абильдиновтар отбасы 1-орын, Бекеновтар отбасы 2-орын, Мұратовтар отбасы 3-орынға ие болды. Жарысқа қатысқан отбасыларға алғыс білдіре отырып,отбасыларына береке-бірлік,толағай табыс тілейміз.

Бастауыш сынып онкүндігі аясында 11 сәуірде «Шығармашылық күні» ұранымен 1 "Г" сыныбында "Ь және ъ белгілерін ажырату" тақырыбында ашық сауат ашу сабағы өткізілді,оқушылар белсенді жұмыс жасады, сабақтың мақсаты орындалды.